Sanaartornermi aningaasartuutinut naleqqersuut pillugu nassuiaat

Sanaartornermi aningaasartuutit naleqqersuutaata uuttorpaa Kalaallit Nunaanni najugaqarfissanik sanaartornerup ineriartornera. Naleqqersuut pingaarnertut atorneqartarpoq sanaartornermi akit qaffariartornerisigut aningaasap nalingata appariartornerata ineriartornera sanaartornermilu isumaqatigiissutit naleqqussarnissaanut.

 

Saqqummersitap sammivaa misissuineq 1. juuli 2015 angullugu.

1. juuli 2013 naleqqersuutip naatsorsorneqarnerani uuttuut aallaaviusussaq nutaaq piviusunngortinneqarpoq, sanaartukkap qanoq typeqarneranik aallaveqartumik, nunatsinni sanaartornermut naleqqunnerusumik.

 

Saqqummersitap sannaa

Saqqummersitami najugassaqarnikkut sanaartorneq kisiviat qiteritinneqarpoq misissuinerup ineriartornera tabelitigut isigisatut takusassiaralugu (immik. 2 aamma 3). Matuma kingorna nalunaarsuutit aallaaviusut periaatsimilu aporfiusut matumunnga tunngasut misissorneqassapput (immik. 4).

 

Kisitsisaataasivik

Kisitsisaataasivikkut periarfissaqarpoq kisitsisitigut paasissutissanik immikkut aallernissamik sammisami ataatsimoortuni, aningaasartuutit typiini piffissamilu allanngorartut ataqatigiissinnerisigut. Kisitsisit atorlugit nalunaarsuusiaq kalaallit, danskit tuluillu oqaasi atorlugit suliaq takuneqarsinnaavoq.